SERKAWN TUALCHHUNG KOHHRAN
PROGRAMME
KRISMAS DAWN ZAN PROGRAMME
6:30 PM, 24th December, 2020
PROGRAMME:
Hla sak hona: KHB: KHB 99 (Lal pian hun lawmawm).
Lal pian hun lawmawm tak kan thleng leh ta,
Hlim taka lawmin zai I vawr ang;
Thihna thim hnuaia thute tan enna rupui a thleng ta,
Haleluia! lawmin i zai ang.
A hming Maka, Remruattu lalpa,
Chatuan Pa, Rem lal rupui ani;
A ramin kin ni a nei lovang,
A zau zel ang chatuan thleng pawhin.
Tunah hian Bethlehem khaw lamah chuan,
Rinnain thlawkin va leng ila;
Chunriang Marichawi lei leh van lal riangvaia kan hmu ang,
Kan neih ro thil zawng zawng i pe ang.
Rinin ka han thlir a. ka chung van khua,
Remna lal Fapa lo pian ni chuan;
Thenna zai an rem, an aw mawi thangkhawk chuan
khawvel zawng leh,
Ka chung thangvan sang khi a nghawr vel.
Min tlantu lalber thar lo pianga chu,
A hming lal Krista Imanuela;
Hosana chungnung berah khian ropui takin awm rawh se
Remna thu leng se khawvelah hian.
TAWNGTAI RUALNA
- Tun Krismas ah hian mimal leh chhungkaw tin ten Krismas tak tak kan hman a, Lal Isua lalna hmun kan thinlunga kan din theihna turin Pathian tanpuina i dil ang u.
- Chhungkuain tul leh pawimawh kan tihte Pathian hnenah thlen ang u.
Isaia 9:1 – 7
Mangang taka awm ṭhînte tân thim a awm tawh lo vang, Tûn hma lam khân Zebulun leh Naftali ram chu Hmusitawm tak a ni a, Hun hnuhnûngahte erawh chuan a la tiropui hle ang, Tuipui kam aṭanga Jordan lui râl Galili ram, Jentail-te chênna ram chu. 2Thim hnuaia khawsa ṭhîn hnamte chuan êng ropui tak an hmu ta a, Ram thim taka chêngte tân chuan khua a lo vâr ta. 3Chûng hnamte chu i tipung a, An hlimna pawh i tihpunsak ta a, Buh seng leh râllâk sum insem laia an hlim ang hian, I hmaah chuan an hlim a ni. 4An rit phurhna nghâwngkawlte leh an thil kawh fungte chu, Chhawrtuin a vuakna tiangte nên chuan Midian-ho hneh ni ang khân, I tihtliahsak ta si a. 5Sipai lo kal ṭhup ṭhupna pheikhawk te, An thuam thisen kai hniang hnuang te, Hâl a ni a, a kâng zo ta. 6Kan tân nau a lo piang a, Fapa min pe ta a. Sawrkârna chu a kovah a innghat a, A hmingah chuan: Remruattua, Maka, Pathian Chaka, Chatuan Pa, Remna Lal an ti ang. 7A sawrkârna a nghet tulh tulh ang a, A ram chhûngah remnain tâwpintai a nei lo vang. Thu dik hmanga dik taka rorêlin Davida lalṭhutthlêngah a ṭhu ang a, a tinghet ang, Tûn aṭanga kumkhuain Lalpa ṭhahnemngaihna chuan Chûng chu a ti ngei ang. .
Matthaia 1:18 – 23
18Isua Krista lo pian dân chu hetiang hi a ni: A nu Mari chu Josefa nupui hual a ni a, an inpâwl hmain Thlarau Thianghlimin nau a paitîr tih hriat a lo ni ta a. 19A pasal tûr Josefa chu mi fel tak a ni a, tihmualpho a duh lo va, a rûka ṭhen a tum a. 20Nimahsela, chûng thu chu a ngaihtuah lai chuan, ngai teh, a mangah Lalpa tirh vântirhkoh a hmu a. “Josef, Davida fapa, i nupui hual Mari hi neih tîm suh, a nau pai chu Thlarau Thianghlim laka mi a ni asin. 21Fapa a hring ang a, a hmingah ISUA sa ang che; ani chuan a mite chu an sualte lak ata a chhandam dâwn si a,” a ti a. 22Lalpan zâwlnei hmanga, 23“Ngai teh, nula thianghlim chuan nau a pai ang a, Fapa a hring ang a, A hmingah Imanuela an sa ang,” (chu chu ‘Kan hnêna Pathian awm’ tihna a ni) tia a sawi kha a lo thlen theih nân hêng zawng zawng hi a lo awm a ni. .
Luka 2: 8-14
Chu lai ramah chuan berâmputen berâm an vêng a, zânah an riah chilh a. 9Lalpa tirh vântirhkoh an hmaah a lo ding a, Lalpa ropuina chuan an vêl chu a chhun êng ta pup a; an hlau êm êm a. 10Vântirhkoh erawh chuan an hnênah, “Hlau suh ula, ngai rawh u, mi tin tân Chanchin Ṭha lâwmawm êm êm ka rawn thlen che u a ni. 11Vawiin hian in tân Davida khuaah Chhandamtu a piang ta, Lalpa Krista chu. 12Nausên, puana tuam, ran chaw pêkna thlênga mu in va hmuh chuan ani chu a ni tih hria ang che u,” a ti a. 13Thâwklehkhatan vântirhkoh kiangah chuan vân mipuiho an lo awm ta chiam a, Pathian an fak a: 14“Chungnung berah khian Pathian chu ropui takin awm sela, Leiah hian a lawm êm êm mihringte zîngah rem lêng rawh se,” an ti a.
Mangang taka awm ṭhînte tân thim a awm tawh lo vang, Tûn hma lam khân Zebulun leh Naftali ram chu Hmusitawm tak a ni a, Hun hnuhnûngahte erawh chuan a la tiropui hle ang, Tuipui kam aṭanga Jordan lui râl Galili ram, Jentail-te chênna ram chu. 2Thim hnuaia khawsa ṭhîn hnamte chuan êng ropui tak an hmu ta a, Ram thim taka chêngte tân chuan khua a lo vâr ta. 3Chûng hnamte chu i tipung a, An hlimna pawh i tihpunsak ta a, Buh seng leh râllâk sum insem laia an hlim ang hian, I hmaah chuan an hlim a ni. 4An rit phurhna nghâwngkawlte leh an thil kawh fungte chu, Chhawrtuin a vuakna tiangte nên chuan Midian-ho hneh ni ang khân, I tihtliahsak ta si a. 5Sipai lo kal ṭhup ṭhupna pheikhawk te, An thuam thisen kai hniang hnuang te, Hâl a ni a, a kâng zo ta. 6Kan tân nau a lo piang a, Fapa min pe ta a. Sawrkârna chu a kovah a innghat a, A hmingah chuan: Remruattua, Maka, Pathian Chaka, Chatuan Pa, Remna Lal an ti ang. 7A sawrkârna a nghet tulh tulh ang a, A ram chhûngah remnain tâwpintai a nei lo vang. Thu dik hmanga dik taka rorêlin Davida lalṭhutthlêngah a ṭhu ang a, a tinghet ang, Tûn aṭanga kumkhuain Lalpa ṭhahnemngaihna chuan Chûng chu a ti ngei ang. .
Matthaia 1:18 – 23
18Isua Krista lo pian dân chu hetiang hi a ni: A nu Mari chu Josefa nupui hual a ni a, an inpâwl hmain Thlarau Thianghlimin nau a paitîr tih hriat a lo ni ta a. 19A pasal tûr Josefa chu mi fel tak a ni a, tihmualpho a duh lo va, a rûka ṭhen a tum a. 20Nimahsela, chûng thu chu a ngaihtuah lai chuan, ngai teh, a mangah Lalpa tirh vântirhkoh a hmu a. “Josef, Davida fapa, i nupui hual Mari hi neih tîm suh, a nau pai chu Thlarau Thianghlim laka mi a ni asin. 21Fapa a hring ang a, a hmingah ISUA sa ang che; ani chuan a mite chu an sualte lak ata a chhandam dâwn si a,” a ti a. 22Lalpan zâwlnei hmanga, 23“Ngai teh, nula thianghlim chuan nau a pai ang a, Fapa a hring ang a, A hmingah Imanuela an sa ang,” (chu chu ‘Kan hnêna Pathian awm’ tihna a ni) tia a sawi kha a lo thlen theih nân hêng zawng zawng hi a lo awm a ni. .
Luka 2: 8-14
Chu lai ramah chuan berâmputen berâm an vêng a, zânah an riah chilh a. 9Lalpa tirh vântirhkoh an hmaah a lo ding a, Lalpa ropuina chuan an vêl chu a chhun êng ta pup a; an hlau êm êm a. 10Vântirhkoh erawh chuan an hnênah, “Hlau suh ula, ngai rawh u, mi tin tân Chanchin Ṭha lâwmawm êm êm ka rawn thlen che u a ni. 11Vawiin hian in tân Davida khuaah Chhandamtu a piang ta, Lalpa Krista chu. 12Nausên, puana tuam, ran chaw pêkna thlênga mu in va hmuh chuan ani chu a ni tih hria ang che u,” a ti a. 13Thâwklehkhatan vântirhkoh kiangah chuan vân mipuiho an lo awm ta chiam a, Pathian an fak a: 14“Chungnung berah khian Pathian chu ropui takin awm sela, Leiah hian a lawm êm êm mihringte zîngah rem lêng rawh se,” an ti a.
THUCHAH
THUPUI: “Mi tin ta tur Chanchin Tha”
- Rev H. Lianngaia
Audio
-
Kumin Krismas hi corona virus (Hripui leng) avangin Kohhranhoten a huhoin hun kan hmang thei lova, a hrehawmin a khawharthlak hle mai. Mahse Krismas hmasa ber pawh kha Ran In chhungah Berampute leh mifingte lo thlen hma kha chuan Josefa leh Mari te chauh khan chhungkuatêin an lo hmanga, chhungkuaa Krismas hman hi a ori zawk a lo nih hi ti tawh mai ang u aw. Kan Kohhran hotuten hetiang hunpui hun tha tak maia thuchah sawi tura min duhsakna chungah lawmthu ka sawi tak meuh a ni. Krismas chibai vek ule.
Krismas thupui lar tak,”Mi tin ta tur Chanchin Tha”, vantirhkohin Berampute hnena a rawn puan hi Mizoram Baptist Kohhran chuan kan ngai pawimawh em em reng a, kan Biak In zawng zawngah kan tar vek a. Chanchin Tha hi keimahni theuh leh mi dangte tan a ni a, mission rilru pu tlat tur leh Chanchin Tha avanga malsawmna kan dawn chunga Pathian hnena lawm fo tur kan nih hriatrengna tur a ni. He thupui lar leh pawimawh tak hi zanina kan thupui atan ka han thlang a ni.
A tak taka thil thleng, kan tana thawnthu ni deuh mai tawh chanchin ngaithla hmasa ila-
Fritz Kreisler (1875-1962), khawvela violin tum thiam hmingthang em em kha pa thilphal tak a nih avangin a concert neihnaa a sum hmuhte leh a violin tum thinte chu mite tanpui nan a pe vek zel a. Tum khat chu a concert neih lehna tura a tum tur violin lei tumin a zawrhna dawrah a va kal a; vanduaithlak tak maiin mi dangin an lo lei daih tawh mai a; a hrilhhai kher mai. Mahse bei nge sei run dung, a leitu hnenah chuan kalin lei chhawnsak a va dil a, ani lah chuan a lo phal der lo mai a, a beidawng ta hle mai. A inngaihtuaha a neitupa hnenah chuan, “Ka pu, i violin chu a bawm chhunga daha banga i khai mai mai hmain vawikhat chauh ka lo tum ang e”, tiin a dil ta chawih mai a. A neitu chuan a phalsak hnu chuan a han tum ta chu le !, a ri hri apiang an rawn tlan khawm, Inchhung chu music mawina chuan a luah khat ta riai riai mai. A neitupa pawh chuan mawi a ti ngang a niang, ”Kreisler, he violin neitu nih hi ka phu hauh lo mai, nangman nei la, khawvel mi zawng zawng hriatah mawi takin tum zel ang che aw”, tiin a pe ta tawp zu nia. Chanchin Tha hlutna leh ropuina hi a kawltuten hmang tangkai chunga khawvel pumpui hriattir tur atan Pathian thilthlawn pek a ni.
Chu Chanchin Tha chu:-
1.Thihna thim hnuaia thute tan ênna ropui a ni:
“Mi, thim hnuaia thute chuan êng nasa tak an hmu ta; thihna hlim rama awmte chungah ngei chuan êng chu a lo êng ta” (Isaia 9:2). He thu hi Pu Ralngama chuan “Thihna thim hnuaia thute tan ênna ropui a thleng ta” tiin hla thu mawi takin tawi-fel kim siin a siama, Mizo Krismas hla mawi leh sak hlawh berte zinga mi a ni hial âwm e. He thu tawitêah hian khawvel hrehawm zia leh Pathian hmangaihna ril si zia puan chhuahin a awm a ni. Kan tawn mek corona virus hripui thim hnuaiah, nat leh thih hlauin kan khawvel hi a khur zawih zawih chu a ni ber tawh a, a hrehawm kher mai; kan khawvel dinhmun chu hei zawng hi; Pathian thu chuan chiang takin “Khawvel hi a châknate chawpin a boral mêk a ni” (1Jn 2:17) tiin a lo sawi daih tawh.
Mahse thihna leh thim hnuaia thute chuan “Êng nasa tak an hmu ta… êng chu a lo êng ta” tiin Pathian thu chuan boral mek khawvel tan chanchin tha lawmawm em em, thlamuantu leh hmangaiha chenchilhtu a pek thu a rawn puang chhuak ta a ni. “ Emmanuel” (Kan hnena Pathian awm) chu.
2.Emmanuela:
Chanchin Tha Matthai ziak bung 1, chang 21-23-ah chuan nula thianghlim Mari fapa hrin hming van lamin an rawn phuah chu Isua a ni a, chu chu Chhandamtu tihna a ni. Chu Isua chu zawlnei Isaia hnena Pathianin a lo sawi lâwk tawh Emmanuela a tih kha a ni. Emmanuela chu ‘Kan hnena Pathian awm’ tihna a ni a; Pathian chu a Fapa Isuain mihringte hnenah a awm; tichuan thim hnuaia thute leh thihna hlim rama awmte chunga êng nasa tak thlentu a nih dan hi tawitê, mawltêin i han en zui teh ang:-
2:1. Min awmchilh tlat:
“Lalpaah chuan lawm fo rawh u,ka ti leh pek thin ang, lawm rawh u…..Lalpa chu a hnai e”(Phil 4:4). Lalpa chu a hnai e tih hi saptawng Bible tam takah chuan “The Lord is at hand” tih a ni. Pawlho Treasurer-ten sum an kawl chu a then Bank-ah an dah a, hman chawp tur kuta kawlsa mek an nei bawk thin. Kuta an kawl mek sawi nan “at hand” tih a ni. Lalpa chu a hnai tih chu Lalpa chu kan hman chawp turin kuta kawl mek a ni tihna tluk a ni. A hmang nghal ngam leh a nachang hria apiangin a malsawmna an dawng thi. Amah Lal Isua ngeiin “ Kei kumkhuain, khawvel tawp thleng pawhin, in hnenah ka awm zel ang” (Matt 28:20) a ti tlat a ni. Thupuan bu-ah hian Lal Isuan a hming a sawinaah “Awm meka leh, awm tawha leh, lo la awm tura” (Thup 1:5,8) a ti thin a; Awm meka a nihna a insawi hmasak zelna chhan hi englai pawha min awmchilh rengtu –Emmanuela a nih vang a ni.Sam ziaktu chuan “Lalpa chu a mite velah a awm thin, tun atanga kumkhuain”(Sam 125:2) tiin TUN atangin a ti a ni.
2:2. A âng chhungah min dah:
Sangha chu tui chhungah a awm a, a ding leh vei, hma leh hnung lam leh a chung leh hnuai lamah tui a awm a, tui chhungah a awm ang hian Pathianin a ângchhungah min awmtir a ni. (Sam 139:5-12). Tunah hian Pathian ângchhungah kan awm tih hi pawm lo ta ila ”A âng chhungah min muttir a, a fa duhah min pawm” tia KHB No 39-na hi engtika sak turin nge kan khek dawn ?. Kan ding leh vei, hma leh hnung, chung leh hnuaiah Pathian chuan min hual tlat a, Pathian chhungkhungin kan awm a nih chu. Sam 139 kan chhiar chuan Pathian pâwn lama tlan bona tur hmun leh hun reng reng a awm loh thu chiang takin kan hmu a ni.Chu chu alawm, Emmanuela a nihna chu. Kan hnena Pathian awm chu.Chu chu alawm, Mi tin ta tur chanchin tha lawmawm em em chu. A ropuiin a va thlamuanthlak em !
2:3. Hmangaihnaa min awmtu a ni:
Indonaa an mi mante chu rim takin hna an thawhtir thin a, a mantuten an venga, an awmchilh tlata, ngun takin an en thin. Thuawih lo chu an vuain an sawisa nghal mai bawk a. an tihlum hial thin bawk. Hetiang zawnga inawmchilh leh inven leh nguntaka inenzui hi chu hmangaihna a ni lo, Pathian min ven, awmchilh leh enkawl dan erawh chu Hmangaihnain a ni thung. “Hmeichhiain a fapa, a rila rah chu,khawngaih lohna turin a fa, hnutê hne lai chu a theihnghilh thei dawn em ni ? Thei e, chungte chuan an theihnghilh a ni thei e; nimahsela kei chuan ka theihnghilh lo vang che. En teh, ka kutphahahte hian ka ziak che hi…”(Isaia 49:15-16) tiin; mihringa hmangaihna thuk lai ber nu leh fasên hnutê hne lai kara hmangaihna aia a let sang tam taka hmangaihnaa min awm tlei thintu Pathian a nih zia a inpuang a ni. Pathianin hmangaihnaa min awmchilha, a ângchhunga in chentir hi chanchin tha lawmawm em em chu a va ni em.
3.Mi tin ta tur Chanchin Tha a ni :
Berampute hnenah Lalpa vantirhkoh chuan, “Hlau suh ulang, ngai rawh u, mi tin ta tur chanchin tha lawmawm em em ka rawn thlen che u a ni” (Lk 2:10).a tih khan Pathianin Lal Isuaah khan min lo telh ve diam tawh a lo ni. Engtik atang khan nge Lal Isua kha kan aiawhtu a nih tan ?. Rinnaa a thihnaa thi ve tawha kan inruat ngam a nih chuan a piannaa piang ve tawha inruat ve ngam tur leh mi tin ta tur chanchin tha chu mi tin zinga tel ve kan nih avanga kan chanchin tha lawmawm em em a nih ve zia chu tim hauh loin kan pawm mai tur a ni dawm lawm ni ?. Pathianin leilung nghah chhan a phum lai pawha talh lo ni tawh Pathian Beram No (Thup 13:8) Kristaah khan min lo thlang tawh a (Eph 1:4), khawngaihnaa chhandamna hial pawh leilung pian hma daih tawh khan Kristaah min lo pe fel diam tawh bawk a (2 Tim 1:9), a va ropui em. He dinhmun ropui lutuk hi Isua Kristaah khan Pathianin lei leh van hriat turin Bethlehem daiah khan a rawn puang chhuak ta a nih kha (2 Tim 1:9-10). Hei hi a ni “Aw, Bethlehem tlang chungah chatuan khua a lo var e, hril vel chiam rawh u”, kan tih tak hial ni ! Krismas hi Lal Isua lo pian champhaphak anga kan lawm lai hian Pathian fa, van khua leh tui ni tura kan pian champhaphak a nih tel vena hi hlim takin mahni chauh pawhin, mahni chhungkua chauh pawhin lawm ila, a mawina leh a hlutna zawng zawng hi mi dangte pawh kan hrilh chhawng ve zel dawn nia.
“Chungnung berah Pathian ropui takin awm rawh se,
Lei chunga a lawm êm êm,
Mihringte hnênah rem thu lêng rawh se.”
AMEN.
Hla: KHB No 95 (Hlimna ni ropui chu a êng)
Kumin Krismas hi corona virus (Hripui leng) avangin Kohhranhoten a huhoin hun kan hmang thei lova, a hrehawmin a khawharthlak hle mai. Mahse Krismas hmasa ber pawh kha Ran In chhungah Berampute leh mifingte lo thlen hma kha chuan Josefa leh Mari te chauh khan chhungkuatêin an lo hmanga, chhungkuaa Krismas hman hi a ori zawk a lo nih hi ti tawh mai ang u aw. Kan Kohhran hotuten hetiang hunpui hun tha tak maia thuchah sawi tura min duhsakna chungah lawmthu ka sawi tak meuh a ni. Krismas chibai vek ule.
Krismas thupui lar tak,”Mi tin ta tur Chanchin Tha”, vantirhkohin Berampute hnena a rawn puan hi Mizoram Baptist Kohhran chuan kan ngai pawimawh em em reng a, kan Biak In zawng zawngah kan tar vek a. Chanchin Tha hi keimahni theuh leh mi dangte tan a ni a, mission rilru pu tlat tur leh Chanchin Tha avanga malsawmna kan dawn chunga Pathian hnena lawm fo tur kan nih hriatrengna tur a ni. He thupui lar leh pawimawh tak hi zanina kan thupui atan ka han thlang a ni.
A tak taka thil thleng, kan tana thawnthu ni deuh mai tawh chanchin ngaithla hmasa ila-
Fritz Kreisler (1875-1962), khawvela violin tum thiam hmingthang em em kha pa thilphal tak a nih avangin a concert neihnaa a sum hmuhte leh a violin tum thinte chu mite tanpui nan a pe vek zel a. Tum khat chu a concert neih lehna tura a tum tur violin lei tumin a zawrhna dawrah a va kal a; vanduaithlak tak maiin mi dangin an lo lei daih tawh mai a; a hrilhhai kher mai. Mahse bei nge sei run dung, a leitu hnenah chuan kalin lei chhawnsak a va dil a, ani lah chuan a lo phal der lo mai a, a beidawng ta hle mai. A inngaihtuaha a neitupa hnenah chuan, “Ka pu, i violin chu a bawm chhunga daha banga i khai mai mai hmain vawikhat chauh ka lo tum ang e”, tiin a dil ta chawih mai a. A neitu chuan a phalsak hnu chuan a han tum ta chu le !, a ri hri apiang an rawn tlan khawm, Inchhung chu music mawina chuan a luah khat ta riai riai mai. A neitupa pawh chuan mawi a ti ngang a niang, ”Kreisler, he violin neitu nih hi ka phu hauh lo mai, nangman nei la, khawvel mi zawng zawng hriatah mawi takin tum zel ang che aw”, tiin a pe ta tawp zu nia. Chanchin Tha hlutna leh ropuina hi a kawltuten hmang tangkai chunga khawvel pumpui hriattir tur atan Pathian thilthlawn pek a ni.
Chu Chanchin Tha chu:-
1.Thihna thim hnuaia thute tan ênna ropui a ni:
“Mi, thim hnuaia thute chuan êng nasa tak an hmu ta; thihna hlim rama awmte chungah ngei chuan êng chu a lo êng ta” (Isaia 9:2). He thu hi Pu Ralngama chuan “Thihna thim hnuaia thute tan ênna ropui a thleng ta” tiin hla thu mawi takin tawi-fel kim siin a siama, Mizo Krismas hla mawi leh sak hlawh berte zinga mi a ni hial âwm e. He thu tawitêah hian khawvel hrehawm zia leh Pathian hmangaihna ril si zia puan chhuahin a awm a ni. Kan tawn mek corona virus hripui thim hnuaiah, nat leh thih hlauin kan khawvel hi a khur zawih zawih chu a ni ber tawh a, a hrehawm kher mai; kan khawvel dinhmun chu hei zawng hi; Pathian thu chuan chiang takin “Khawvel hi a châknate chawpin a boral mêk a ni” (1Jn 2:17) tiin a lo sawi daih tawh.
Mahse thihna leh thim hnuaia thute chuan “Êng nasa tak an hmu ta… êng chu a lo êng ta” tiin Pathian thu chuan boral mek khawvel tan chanchin tha lawmawm em em, thlamuantu leh hmangaiha chenchilhtu a pek thu a rawn puang chhuak ta a ni. “ Emmanuel” (Kan hnena Pathian awm) chu.
2.Emmanuela:
Chanchin Tha Matthai ziak bung 1, chang 21-23-ah chuan nula thianghlim Mari fapa hrin hming van lamin an rawn phuah chu Isua a ni a, chu chu Chhandamtu tihna a ni. Chu Isua chu zawlnei Isaia hnena Pathianin a lo sawi lâwk tawh Emmanuela a tih kha a ni. Emmanuela chu ‘Kan hnena Pathian awm’ tihna a ni a; Pathian chu a Fapa Isuain mihringte hnenah a awm; tichuan thim hnuaia thute leh thihna hlim rama awmte chunga êng nasa tak thlentu a nih dan hi tawitê, mawltêin i han en zui teh ang:-
2:1. Min awmchilh tlat:
“Lalpaah chuan lawm fo rawh u,ka ti leh pek thin ang, lawm rawh u…..Lalpa chu a hnai e”(Phil 4:4). Lalpa chu a hnai e tih hi saptawng Bible tam takah chuan “The Lord is at hand” tih a ni. Pawlho Treasurer-ten sum an kawl chu a then Bank-ah an dah a, hman chawp tur kuta kawlsa mek an nei bawk thin. Kuta an kawl mek sawi nan “at hand” tih a ni. Lalpa chu a hnai tih chu Lalpa chu kan hman chawp turin kuta kawl mek a ni tihna tluk a ni. A hmang nghal ngam leh a nachang hria apiangin a malsawmna an dawng thi. Amah Lal Isua ngeiin “ Kei kumkhuain, khawvel tawp thleng pawhin, in hnenah ka awm zel ang” (Matt 28:20) a ti tlat a ni. Thupuan bu-ah hian Lal Isuan a hming a sawinaah “Awm meka leh, awm tawha leh, lo la awm tura” (Thup 1:5,8) a ti thin a; Awm meka a nihna a insawi hmasak zelna chhan hi englai pawha min awmchilh rengtu –Emmanuela a nih vang a ni.Sam ziaktu chuan “Lalpa chu a mite velah a awm thin, tun atanga kumkhuain”(Sam 125:2) tiin TUN atangin a ti a ni.
2:2. A âng chhungah min dah:
Sangha chu tui chhungah a awm a, a ding leh vei, hma leh hnung lam leh a chung leh hnuai lamah tui a awm a, tui chhungah a awm ang hian Pathianin a ângchhungah min awmtir a ni. (Sam 139:5-12). Tunah hian Pathian ângchhungah kan awm tih hi pawm lo ta ila ”A âng chhungah min muttir a, a fa duhah min pawm” tia KHB No 39-na hi engtika sak turin nge kan khek dawn ?. Kan ding leh vei, hma leh hnung, chung leh hnuaiah Pathian chuan min hual tlat a, Pathian chhungkhungin kan awm a nih chu. Sam 139 kan chhiar chuan Pathian pâwn lama tlan bona tur hmun leh hun reng reng a awm loh thu chiang takin kan hmu a ni.Chu chu alawm, Emmanuela a nihna chu. Kan hnena Pathian awm chu.Chu chu alawm, Mi tin ta tur chanchin tha lawmawm em em chu. A ropuiin a va thlamuanthlak em !
2:3. Hmangaihnaa min awmtu a ni:
Indonaa an mi mante chu rim takin hna an thawhtir thin a, a mantuten an venga, an awmchilh tlata, ngun takin an en thin. Thuawih lo chu an vuain an sawisa nghal mai bawk a. an tihlum hial thin bawk. Hetiang zawnga inawmchilh leh inven leh nguntaka inenzui hi chu hmangaihna a ni lo, Pathian min ven, awmchilh leh enkawl dan erawh chu Hmangaihnain a ni thung. “Hmeichhiain a fapa, a rila rah chu,khawngaih lohna turin a fa, hnutê hne lai chu a theihnghilh thei dawn em ni ? Thei e, chungte chuan an theihnghilh a ni thei e; nimahsela kei chuan ka theihnghilh lo vang che. En teh, ka kutphahahte hian ka ziak che hi…”(Isaia 49:15-16) tiin; mihringa hmangaihna thuk lai ber nu leh fasên hnutê hne lai kara hmangaihna aia a let sang tam taka hmangaihnaa min awm tlei thintu Pathian a nih zia a inpuang a ni. Pathianin hmangaihnaa min awmchilha, a ângchhunga in chentir hi chanchin tha lawmawm em em chu a va ni em.
3.Mi tin ta tur Chanchin Tha a ni :
Berampute hnenah Lalpa vantirhkoh chuan, “Hlau suh ulang, ngai rawh u, mi tin ta tur chanchin tha lawmawm em em ka rawn thlen che u a ni” (Lk 2:10).a tih khan Pathianin Lal Isuaah khan min lo telh ve diam tawh a lo ni. Engtik atang khan nge Lal Isua kha kan aiawhtu a nih tan ?. Rinnaa a thihnaa thi ve tawha kan inruat ngam a nih chuan a piannaa piang ve tawha inruat ve ngam tur leh mi tin ta tur chanchin tha chu mi tin zinga tel ve kan nih avanga kan chanchin tha lawmawm em em a nih ve zia chu tim hauh loin kan pawm mai tur a ni dawm lawm ni ?. Pathianin leilung nghah chhan a phum lai pawha talh lo ni tawh Pathian Beram No (Thup 13:8) Kristaah khan min lo thlang tawh a (Eph 1:4), khawngaihnaa chhandamna hial pawh leilung pian hma daih tawh khan Kristaah min lo pe fel diam tawh bawk a (2 Tim 1:9), a va ropui em. He dinhmun ropui lutuk hi Isua Kristaah khan Pathianin lei leh van hriat turin Bethlehem daiah khan a rawn puang chhuak ta a nih kha (2 Tim 1:9-10). Hei hi a ni “Aw, Bethlehem tlang chungah chatuan khua a lo var e, hril vel chiam rawh u”, kan tih tak hial ni ! Krismas hi Lal Isua lo pian champhaphak anga kan lawm lai hian Pathian fa, van khua leh tui ni tura kan pian champhaphak a nih tel vena hi hlim takin mahni chauh pawhin, mahni chhungkua chauh pawhin lawm ila, a mawina leh a hlutna zawng zawng hi mi dangte pawh kan hrilh chhawng ve zel dawn nia.
“Chungnung berah Pathian ropui takin awm rawh se,
Lei chunga a lawm êm êm,
Mihringte hnênah rem thu lêng rawh se.”
AMEN.
Hla: KHB No 95 (Hlimna ni ropui chu a êng)
Hlimna ni ropui chu a eng,
Zantiang hi kawlrawnah a liam;
Lei Bethlehem dai reh a nghak,
A hming chu Lal Imanuel.
Chungnung ber, a chungnung,
Chungnung ber Lal ropui;
Leiah hian kumkhuain,
Rem leng se, Haleluia!
A hmel enin a tlawm na a,
Van leh khawvel Lalber a ni;
Leia lalin do mah sel,a
A ram a la zau zel ang a.
He! kawlkilahte lo thovin,
Tingtang leh phaiphuleng remin;
Chungnung berah ropui rawh se,
Tiin angel i zaipui ang.
A riang leh a Lal hmunah a awm,
Lei Bethlehem leh vanah khian;
Thinlung a lamah hawn ila,
Ro thil dang a ngai tawh lo vang.